Eusko Jaurlaritzaren Global Training Bekak laguntza-programaren helburua da Euskal Autonomia Erkidegoko gazteen nazioz haraindiko mugikortasuna bultzatzea, gazte horiek beren ikasketa- eta lanbide-profilarekin lotutako jarduerak eta proiektuak egin ditzaten atzerriko herrialdeetako enpresetan eta erakundeetan, aldez aurretik planifikatutako prestakuntza praktikoko plan batekin. Horretarako, SPRI-Enpresen Garapenerako Euskal Agentziak eta Basque Trade & Investment erakundeak laguntza ekonomikoak ematen dizkiete programa hori garatzeko gaituta dauden erakundeei, unibertsitateko tituluak eta goi-mailako lanbide-heziketako tituluak dituzten gazteek –erakunde horiek hautatutakoek eta prestatutakoek– aukera izan dezaten praktikak egiteko atzerriko enpresa eta erakundeetan.

Programarako sarbidea

Programak emandako PDF dokumentuak bistaratzeko, formatu horretako artxibo irakurle bat eduki beharko duzu instalatuta. Esteka honen bidez pdf artxiboak irakurtzeko gai den Acrobat Reader programa deskargatu ahalko duzu.